पंचम अधिकारी

गैरआवासीय नेपाली संघ, अन्तर्राष्ट्रिय समन्वय परिषद (एनआरएन, आइसीसी) को आगामी अक्टोबर १९ र २० मा काठमाडौंमा हुने छैटौं विश्व सम्मेलनको पूर्व सन्ध्यामा यही सप्ताहन्त स्वीजरल्यान्डको ज्यूरिचमा हुने गैरआवासीय नेपाली संघ (एनआरएन) को ‘छैटौँ युरोपियन मिटिङ् तथा युरोपियन महिला कन्फरेन्स’ ले सबैको ध्यान खिँचेको छ । काठमाडौंमा हुने छैठौं विश्व सम्मेलनले नयाँ केन्द्रीय नेतृत्वको चयन गर्ने भएकोले एनआरएन नेतृत्वको अकांक्षीहरूको ‘लबि र पक्षपोषण’ हेर्नलायक हुनेछ, ज्यूरिचमा । Continue reading एनआरएनहरूको आँखा स्विस सम्मेलनमा

-अनिता श्रेष्ठ-

यो माथिको फोटो पाटनको कुपन्डोलस्थित ढुकुटी ह्यान्डीक्राफ्ट पसल नजिकैको हो। यो ढल्न तम्तयार भएको बिजुलीको खम्बा मेरो घर अगाडि पर्छ।

केही अघिमात्रै म आफै गएर पुल्चोकस्थित नेपाल विद्युत प्राधिकरणको कार्यालयमा गएर त्यहाँका म्यानेजरलाई फोटो देखाएरै उजुरी दर्ता गराएँ।

हरेक दिन मलाई कन्ट्र्याक्टर आज आउँछ भनेर सुनाइन्छ। तर कहिल्यै त्यो धरापमा परेको खम्बा हटाइँदैन। पाटन क्षेत्रमा यस्ता खम्बाहरु धेरै छन्, ती खम्बाहरु कुनै पनि बेला ढल्न सक्छन्।
Continue reading दुर्घटना कुरेको ?

-गोकुल ढकाल/ लस एन्जलस-

समस्यामा झेलिएकाहरूको हित र मर्कामा परेकाहरूको ब्यथा बुझ्न शुरु हुन्छ, जहांसुकै पनि कुनै संस्था । आजकाल फेशन, रहर, टकराव, घुर्की, देखासिकी र बदलाभावले जन्मने गरेका छन्, संस्थाहरू । नेपालमा स्थापना भएका अन्दाजी १४५ पार्टीहरूको स्थापनाको वास्तविक अर्थ पनि रहर, टकराव र पद गुमेका वा छाडेकाहरूको स्वार्थपूर्तिका खातिर खोलिएका उदाहरणहरू कसैका सामु छिपेको छैन । कुनै पनि राजनैतिक दल मुख्यत: राजनैतिक सिद्धान्त र निश्चित कार्यदिशा बोकेर समाज सुधार्नका लागि जन्मिन्छन । तर नेपाली चलचित्र क्षेत्रले चलचित्रको नाम नपाएसरी बिभिन्न अर्थ र वाहनाहरू जोडेर खोलिएका राजनैतिक पार्टीहरूको स्थापना देख्दा जो कोहिलाई पनि उदेक लाग्नु स्वाभाविकै हो । कुरो के जोड्न खोजेको भने, जुन रोग नेपालमा छ, परदेश छिर्दा परदेशीले हाम्रो रोग जांच गरेपनि हामी हाम्रो ‘देशको रोग’ लिएरै भित्रेका छौं । ‘नेपालीको त्यो रोग’ न कुनै प्रख्यात डाक्टरले पत्ता लगाउन सक्छ, न कुनै बिश्वबिद्धालयले त्यसको बारेमा अनुसन्धान गर्न सक्छ । हामी र हाम्रो मन-मस्तिस्कबाट नछुट्ने रोगको शिकारी-रोगी हौं, हामी । त्यसै रोगले संस्थाहरू छन्, र हाम्रो मनको आंगनीको पवित्र मण्डपबाट स्वार्थहरु अन्मेका छन् । Continue reading खुराफातमा रम्ने नेपाली मानसिकता र नेपाली संस्थाहरु

सुरेश ‘समान’

‘सुरेशले आलु खाए,’ ज्योति माध्यमिक बिद्यालय, इटहरीमा कक्षा चारको रिजल्ट हेरेर आएको रात भान्सामा दिदीले आमालाई सुनाइ। ‘अनी मेरो चैँ नाम निस्कियो, सिर्जना निरौला- फेयर्ली पास।’ आफ्नो नाम भने उस्ले बडो गर्वसाथ लिइ। म घोसेमुन्टो लाएर चुपचाप चबाउँदैथिए। म ‘फेल’ भएँको थिएँ। आमाले लामो सास तान्नुभयो। साह्रै थाकेपछी निस्कने सास जस्तो सुनिन्थ्यो। मेरो अगाडिको थालमा भात थपिदिदैँ आँफैसँग कुरा गरे जसरी बिस्तारै भन्नुभयो – ‘बुवा आएपछी कुरा नगरि भएन।’ म झसङ्ग भएँ। भातमा ढुङ्गा टोके जस्तो! बुवाको चाँदे भेटिने भै’यो भनेर मेरो होस् उड्यो। भात निल्न सकिन। घाँटी कोक्यायो। उता मेरै छेउमा बसेर खाँदै गरेकी दिदी भने दङ्ग देखिन्थी। उस्को मसिनो खितीती म प्रस्ट सुन्न सक्थेँ। मेरो दिमाग तातियो। रिसले आगो भएँ। मेरो पालो, थाल उठाएर उ तिर हुर्याइदिएँ। ‘ल हाँस अझै झुम्री,’ भन्दै। आमाले एक्कैछिन अघी तरकारी थपी दिनुभा’थ्यो मेरो थालमा। त्यो अब दिदीको जिउभरी थियो। त्यो दिन तरकारीमा आलुदम थियो। Continue reading ‘फेल’ हुनुभो? ल बधाई छ!